ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

Sunday, July 22, 2012

စစ်ကိုင်းတိုင်းဒေသကြီး ကနီမြို့နယ် တရားသူကြီးဦးမြင့်စိုးမှ လာဘ်စား၍ အမိန့်ချမှတ်မှုအပေါ် ကျေးရွာသူ ရွာသားများမှ မတရားမှု ပပျောက်ရေး လှုပ်ရှားမှုနှင့် ပြည်နယ်ဝန်ကြီးချုပ်ထံ ပေးစာ...

မတရားမှု ပပျောက်ရေး လှုပ်ရှားမှုမှ အရှင်သောပါက (ဝဲဘက်က ဆရာတော်ကတော့ Peace in Burma now မန္တလေးမဟာမြတ်မုနိ ဘုရားကြီးအတွင်း ငြိမ်းချမ်းရေး ဆန္ဒပြပွဲ ဖော်ထုတ်ခဲ့တဲ့ ဂျာမဏီ ဆရာတော် ဦးသောပါက ဖြစ်ပါတယ်)အား ကျေးရွာသူ ရွာသားများနှင့်အတူ တွေ့ရစဉ်.
တရားသူကြီးဦးမြင့်စိုး၏ လာဘ်စား၍ အမိန့်ချမှတ်မှုအပေါ် မတရားမှု ပပျောက်ရေး လူထုဆန္ဒဖော်ထုတ် နေစဉ်

ယနေ့ ဒီမိုဝေယံသို့ ပေးပို့လာတဲ့ စစ်ကိုင်းတိုင်းဒေသကြီး ကနီမြို့နယ်မှ တရာသူကြီးဦးမြင့်စိုး၏ လာဘ်စားမှုအပေါ် မကျေနပ်သူ ပြည်သူများမှ မတရားမှု ပပျောက်ရေး လှုပ်ရှားမှု (အကျင့်ပျက် လာဘ်စားမှုတွေ ပြည့်နေတဲ့ တရားရေးမဏ္ဍိုင်) အကြောင်းပေးစာကို ဖော်ပြလိုက်ပါတယ်..။
 သက်ဆိုင်ရာ တာဝန်ရှိသူများမှ ရိုသေစွာ လျှောက်ထား မေးမြန်းနေစဉ်...
သို့
ဝန်ကြီးချုပ် ဦးသာအေး
စစ်ကိုင်းဒေသကြီး အစိုးရ
ပြည်ထောင်စု သမ္မတ မြန်မာနိုင်ငံတော်

အကြောင်းအရာ။ ။ ၂၉၊၃၊၂၀၁၂ ရက်နေ့တွင် ဆောက်လုပ်ရေး ဝန်ကြီးဌာနကားနှင့် အရပ်သား ထော်လာဂျီကားတို့ ယာဉ်တိုက်မှု ဖြစ်စဉ်အား တရားသူကြီး၏ ဆုံးဖြတ်ချက်ကို တရားမျှတမှုမရှိ၍ တိုင်ကြားခြင်း။

အထက်ပါ အကြောင်းရာပါကိစ္စနှင့် ပတ်သက်၍ စစ်ကိုင်းတိုင်းဒေသကြီး၊ ကနီမြို့နယ်အပိုင် တရော်ကျင်းရွာ ရေကျော်အလွန်တွင် ဆောက်လုပ်ရေး ဝန်ကြီးဌာနမှ ယာဉ်မောင်း ဦးရန်အောင်လင်းသည် ယာဉ်အမှတ် ၄ခ/၂၂၅၂ ကို အရက်သေစာ သောက်စားပြီး မဆင်မခြင် မောင်းနှင်လာစဉ် စစ်ကိုင်းတိုင်းဒေသကြီး၊ ယင်းမာပင်မြို့နယ်၊ သပြေအေးရွာမှ ထော်လာဂျီအား ပြင်းထန်စွာ ဝင်တိုက်မိရာ သပြေအေးရွာမှ မောင်တင်ဝင်းပိုနှင့် ကနီမြို့နယ် မိုးကောင်းရွာမှ မကြည်မြ တို့မှာ နေရာတွင်ပင်ပွဲချင်းပြီး သေဆုံး သွားခဲ့ကြပါသည်။ ၎င်းအပြင် သပြေအေး ရွာသားများဖြစ်ကြသော မောင်ဖြိုးဝေထွန်းမှာ ပြင်းထန်စွာ ဒဏ်ရာရရှိပြီး နံရိုးလေးချောင်း ကျိုးသွားခဲ့ပါသည်။

ထော်လာဂျီမောင်းသူ မောင်ဖိုးဇော်မှာ ညာဘက်ပေါင်ကျိုးပြီး အသည်းအက်ကာ မောင်ခင်မောင်သည်လည်း ပြင်းထန်သော ဒဏ်ရာများ ဖြင့် ဆေးရုံသို့ ချက်ခြင်းတက်ရောက် ကုသခဲ့ရပါသည်။ ထိုသို့ဖြစ်ပွားပြီးနောက် ချောင်းမရဲစခန်းမှ စခန်မှူး ဦးတင်အောင်မိုး ရောက်ရှိလာကာ မှတ်တမ်းတင် ဓာတ်ပုံများ ရိုက်ကူးခဲ့ပါသည်။ ၄င်းနောက် ကနီမြို့နယ် တရားရုံးသို့ တရားစွဲဆို တင်ပို့ခဲ့ပါသည်။ ထိုသို့တရားစွဲဆိုစဉ်အတွင်း ဆောက်လုပ်ရေးဝန်ကြီးဌာနမှ တာဝန်ရှိသူ ကလေးဝလမ်းပိုင်း အပိုင်မှ ဦးကျော်စွာမြင့်သည် အမှုကို ကျေအေးစေရန် စစ်ကိုင်းတွင် တစ်ကြိ်မ်၊ မုံရွာတွင်နှစ်ကြိမ် ညှိုနှိုင်းခဲ့ပါသည်။ နစ်နာကြေးအနေဖြင့် (၄၂)လေးဆယ့်နှစ်သိန်း ပေးမည်ဟုလည်း နှုတ်ကတိဖြင့် ပြောခဲ့ပါသည်။ သို့သော် ထိုကတိကို လုံးဝ ထိန်းသိမ်းခြင်း မရှိပါ။

ကနီမြို့နယ်တရားရုံးမှလည်း အကြိမ်ကြိမ် ရုံးချိန်းဆင့်ခေါ်၍ ကာယကံရှင်များက သွားရောက် ပါသော်လည်း အကြိမ်များစွာ စစ်ဆေး ခြင်း မပြုဘဲ ပြန်လွှတ်ခဲ့ပါသည်။ နောက်ဆုံးတွင် ကနီမြို့နယ် တရားသူကြီး ဦးမြင့်စိုးသည် (၁၆၊၇၊၂၀၁၂) ရက်နေ့တွင် တဘက်သတ် ဆန်သော အမိန့်ကို ချမှတ်ခဲ့ပါသည်။ ထော်လာဂျီမောင်းနှင်သူ မောင်ဖိုးဇော်ကို ထောင်ဒဏ်သုံးနှစ်ချမည် အကယ်၍ တစ်နှစ်သာ ကျခံစေလိုပါက ငွေငါးသိန်း ပေးရမည်ဟု သိက္ခာမဲ့စွာ တောင်းခဲ့ပါသည်။ ကာယကံရှင်များသည် ဆင်းရဲနွမ်းပါး လှသည့်အတွက် သူတစ်ပါး ဆိုင်ကယ်ကို ငှါးရမ်း၍ ပေါင်နှံပြီး ၎င်းငွေကို ပေးခဲ့ရပါသည်။

သောက်စားမူးယစ်၍ မဆင်မခြင်မောင်းနှင်လာသည့်အတွက် လူ နှစ်ဦးပွဲချင်းပြီး သေဆုံးခဲ့ပြီး သုံးဦးဒဏ်ရာ ရစေခဲ့သော ယာဉ်မောင်း ဦးရန်အောင်လင်းမှာမူ (၉) ကိုးလသာ ထောင်ဒဏ်ကျစေခဲ့ပါသည်။ ထိုကဲ့သို့ တရားသူကြီး၏ မလျှော်ကန်စွာ ဆုံးဖြတ်မှုကို မကျေနပ်သည့် အတွက် သပြေအေးရွာသူ ရွာသားများ၊ မိုးကောင်းရွာသူ ရွာသားများ၊ တရော်ကျင်းရွာသူ ရွာသားများစုပေါင်း၍ တရော်ကျင်းရွာတွင် (၁၇၊ ၇၊၂၀၁၂) နေ့တွင် ငြိမ်းချမ်းစွာ ဆန္ဒဖော်ထုတ်ခဲ့ ကြပါသည်။ ထိုသို့ဖြစ်ပွားစဉ် ယင်းမာပင်မြို့နယ် အုပ်ချုပ်ရေးမှူးနှင့် လွှတ်တော်ကိုယ်စားလှယ်တို့ ရောက်ရှိလာပြီး ကာယကံရှင်များ၏ မကျေနပ်ချက်များကို တိုင်းဒေသကြီး ဝန်ကြီးချုပ်ထံသို့ တိုက်ရိုက် တိုင်ကြားရန် လမ်းညွှန်ခဲ့သည့်အတွက် ယခုလို တိုင်ကြားရခြင်းဖြစ်ပါသည်။ သို့အတွက် ၀န်ကြီးချုပ်အနေနှင့် တရားမျှတမှုဖြစ်စေရေးအတွက် လိုအပ်သလို အရေးယူ ဆောင်ရွက်ပေးပါရန် ကာယကံရှင်များနှင့် ရွာသူ၊ ရွာသားများက အထူးမေတ္တာ ရပ်ခံအပ်ပါသည်။

ကာယကံရှင်များနှင့် သက်ဆိုင်သူတို့၏ လက်မှတ်များ

ဦးကြည်မောင်၊ ဦးရွှေလှိုင်၊ ဦးသန်းမောင်၊ ဦးဌေးလင်း

ဦးခင်မောင်၊ ဦးတင်ဝင်းလှိုင်(ကားပိုင်ရှင်)၊ ဦးသောပါက(ရွာသူ ရွာသားများကိုယ်စား)

(နောက်ဆုံးရရှိတဲ့ သတင်းအရ မုံရွာ ခရိုင်တရားသူကြီးပါ သုံးဦးအဖွဲ့မှ အထက်ပါ ကိစ္စနှင့် ပတ်သက်ပြီး စုံစမ်းစစ်ဆေးရေး ကော်မရှင် ဖွဲ့ကာ ယနေ့မှ စ၍ စစ်ဆေးနေပြီ  ဖြစ်ကြောင်း သိရှိရပါသည်။)

ဒီမိုဝေယံ

4 comments:

ကနီမြို့နယ်တစ်ခုတည်းသာမဟုတ်ပါ မြို့နယ်။ခရိုင်။ တိုင်းပြည်နယ်အဆင့် တရားရေးဝန်ထမ်းတော်တော် များများ အခုကဲ့သို့ ဖြစ်နေပါသည်။
ကိုယ့်ဘက်က မှန်နေတာတောင် အမိန့်ချတဲ့စာ ရဖို့ စာထွက်ဖို့ ပေးနေရပါသည်
တရားရုံးမှာ အမှုရင်ဆိုင်ဘူးသူတိုင်း သိကြပါသည်။ အာဏာရှိသည့် လူကြီးများအနေနဲ့ကတော့ မကြုံဘူးတော့ သိမည်မထင်ပါ
လာဘ်စားမှုကြောင့် အရေးယူခံရတဲ့ တရားသူကြီး မရှိသလောက်ပါဘဲ

သာသနာရေးဌာနမှာလည်း သံဃ၀ိနိစ္ဆယဘက်မှာရော၊ လူပုဂ္ဂိုလ်သာသနာရေးဝန်ထမ်းများပါ အကျင့်ပျက် ခြစားမှုများ အုံလိုက် ကျင်းလိုက် တည်ရှိနေပါသည်။
အမှုမှန်သောဘက်မှ ငွေမပေးနိုင်လျှင် အရှုံးနှင့် ရင်ဆိုင်နေရပါသည်။
နှစ်ပေါင်းများစွာ ကြာသော်လည်း ယခုအချိန်ထိ ဖြေရှင်းခြင်း မရှိသေးလို့ သံဃာစစ်၊ သံဃာမှန်များ စိတ်မချမ်းသာဖြစ်နေကြပါသည်။

ကျေးလက်တောရွာလေးမှာ စစ်အာဏာရှင်တွေရဲ့ နယ်နှင်ဒဏ်ခံနေရပေမဲ့ အဖိနှိပ်ခံ၊ နင်းပြားတောင်သူလယ်သမားတွေဘက်က ရပ်ပြီး တရားမျှတမှုအတွက် ငြိမ်းချမ်းစွာတိုက်ပွဲဝင်နေသော ဂျာမဏီပြန် ဦးသောပါကအား ဂုဏ်ပြုလိုက်ပါသည်ဘုရား။

ငါးခုံးမတစ်ကောင်အားလိုအပ်သလိုအရေးယူပေးစေလိုပါတယ်
တရားသူကြီးချုပ်ခင်ဗျာယခုလက်ရှိပြင်ဦးလွင်မြို့တွင်မြို့နယ်တရားသူကြီးအဖြစ်လက်ရှိတာဝန်ထမ်းဆောင်လျှက်ရှိသော
ဒေါ်အေးမြင့် သည်၎င်း၏စီရင်ချက်များနှင့်ပါတ်သက်ပြီးအဂတိလိုက်စားမှုများလာဘ်စားစီရင်ခြင်းများဖြင့်ထင်သလိုလုပ်ဆောင်နေပါသည်။
၎င်းတာဝန်ကျရာမြို့တိုင်းတွင်လည်းမမှန်မကန်တရားစီရင်ခြင်းများကြောင့်ပြသနာများမကျေနပ်မှုများများစွာကျန်ရစ်ခဲ့ပါသည်
သို့ဖြစ်ပါသဖြင့်နိုင်ငံတော်သမ္မတကြီးနှင့်တကွတရားစီရင်ရေးကိုဖြောင့်မတ်မှန်ကန်အောင်အဖက်ဖက်မှကြိုးပမ်းဆောင်ရွက်နေကြ
သူများအတွက်
ငါးခုံးမတစ်ကောင်ကြောင့်တစ်လှေလုံးပုပ်ဆိုသလိုမဖြစ်ရအောင်လိုအပ်သလိုစစ်ဆေးအရေးယူနိုင်ပါရန်အသိပေးအပ်ပါသည်။




ဇော်ကိုကို(ပြင်ဦးလွင်)